Бөлүмдөр
Бейшемби, 18-апрель
Нарын облусуАт-Башы району 03.11.2018 13:41

Ат-Башыдагы жаштар окуучуларды сергек жашоого үндөшүүдө (сүрөт)

Turmush -  Ат-Башы районуна караштуу Ак-Моюн айылындагы 1991-жылкы спортчу балдар окуучуларды сергек жашоого үндөшүүдө. Бул тууралуу уюштуруучу Улук Өмүрбеков билдирди.

Маалым болгондой, окуучулар жаш курактарына жараша эки топко бөлүнүп, алыскы аралыкка чуркап, турникке тартылып, отжимания жасашкан. Активдүү катышкандарга жана жеңүүчүлөргө акчалай сыйлык, мактоо баракчалары тапшырылды.

«26-октябрь күнү Ат-Башы районунун Ак-Моюн айылынын А.Койчуманов атындагы орто мектебинин жалпы окуучу балдары чуроо, турникке тартынуу, отжимания боюнча норматив беришти. Ошондой эле бул көнүгүүлөрдү туура жасоо боюнча мастер-класс көрсөтүп бердик. Биздин максатыбыз окуучуларга туура машыгууну үйрөтүү, аларды сергек жашоого үндөө болуп саналат.

Мындан 2 ай мурун ушундай норматив тапшырышкан. Анда 1 эле 7-класстын баласы 50 жолу отжимания жасаган. "Кайрадан келебиз, даярдангыла, белектер болот" деп кызыктырып кеткенбиз. Кайра келгенде алардын саны көбөйүп калыптыр. Оюнда калыстык болсун деп, 1-класстан 7-класска чейинкилер жана 8-класстан 11-класска чейинкилер деп бөлүп өткөрдүк. Азыркы учурда сынак тапшыртып кеткенден бери ар бир бала үйүнө турник жасатып, эртең менен жана кечинде машыгып жатыптыр. Окуучулардын активдүү спортко тартылганын көрүп жатабыз. Аларды спортко шыктандырып, айылдагы спортту өнүктүрсө боло турганын өз көзүбүз менен көрдүк», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×