Бөлүмдөр
Дүйшөмбү, 21-октябрь
Нарын облусуАт-Башы району 01.10.2019 15:52 На русском

Ат-Башыга жаш дарыгерлерди кантип алып калса болот? Дарыгер С.Курманалиеванын пикири

Turmush -  38 жылдан бери медицина тармагында эмгектенип келе жаткан С.Курманалиева Ат-Башыга жаш дарыгерлерди алып калуунун жолун айтты.

Сайрагүл Курманалиева 1959-жылы 3-январда Ысык-Көл районунун Сары-Ой айылында туулган. Үч баласы бар. Улуу кызы апасынын жолун жолдоп кардиолог-дарыгер, кичүү кызы юрист, уулу милиция кызматкери.

«1975-жылы 10-классты бүтүп, Кыргыз мамлекеттик медициналык институтунун дарылоо иши факультетинде окудум. Аны 1981-жылы ийгиликтүү аяктап, Токмок шаарында 2 ай иштеп, андан кийин Нарын облусуна келдим. 1982-жылдан баштап бүгүнкү күнгө чейин Ат-Башы райондук үй-бүлөлүк медицина борборунда эмгектенип келем. 2002-жылы үй-бүлөлүк дарыгер боюнча окуп, сертификатка ээ болгом. Жолдошум менен Бишкектен таанышып, Ат-Башыга келин болуп келгем, - деди ал.

Саламаттыкты сактоонун отличниги Курманалиева «Ат-Башы районунун ардактуу атуулу» наамы, «Мыкты дарыгер» төш белгиси менен сыйланган.

«Бүгүнкү күндө жаш дарыгерлер келип жатат. Алардын билим деңгээли жакшы десек болот. Бирок шартка байланыштуу кайра эле кетип жатышат. Райондун ичинен окуйм дегендерди колдоп, окуусун бүткөндөн кийин кайра районго алып келиш керек. Оштон келген бүтүрүүчү биздин жигитке турмушка чыгып эле иштебесе, шартка, аба ырайынын катаалдыгына чыдабай кетип калат. Биздин акимчилик ушул маселени колго алса жакшы болмок», - деди ал.

Анын жолдошу нотариуста эмгектенет. Учурда алардын 3 небереси бар.

«Хоббим — үйдөн гүл өстүргөндү жакшы көрөм. Короонун алды, үйдүн ичи бүт гүл. Гүлдүн түрлөрүн отургузууга аракет кылам. Колумдан жакшы өсүп, тез эле гүлдөйт. Мындан тышкары салат жасаганды, китеп окуганды жакшы көрөм», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×