Бөлүмдөр
Дүйшөмбү, 21-октябрь
Нарын облусуАт-Башы району 04.10.2019 17:38

Жаңы-күчтүктөр айылдын суу жетпеген аймагына таза суу тартышты

Turmush -  Нарын облусунун Ат-Башы районуна караштуу Жаңы-Күч айылынын тургундары ашар жолу менен айылга таза суу тартышты. Бул тууралуу аймактык кабарчы билдирди.

Айылга таза суу АРИС аркылуу 2004-жылы чыккан, бирок кийинчерээк айылдын башына суу жетпей, көйгөйлөр жаралган. Айыл тургундары Талды-Суу коктусунан айылга чейинки 3 миң метр аралыктагы жерди кол менен казып, айылдын суу жетпеген аймагына таза суу киргизишти. Айыл башчы Төрөбек Нурмамбетовдун айтымында, демөөрчүлөр, жайыт комитети колдоо көрсөткөн.

«Айыл тургундары 3 миң метр аралыктагы жерди ашар жолу менен бекер казышты. Учурда Жаңы-Күч айылында таза суу маселеси 100 пайыз чечилди», - деди айыл башчы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×